Dauði og djöfull!!!

Síðustu ca 3 tímana er ég búin að vera að plana morgundaginn, sumardagurinn fyrsti og allt það.

Nema ég í gleði og kæti hringi í samstarfskonu mína til að ath hvernig hún ætli að eyða frídegi sínum , var mjög glöð og kát.

Hún er nú farin að þekkja mig soldið , þannig að hún hlustaði á meðan ég lét frá mér hin ýmsu gullkorn og blessanir yfir þessum merkisdegi.

Loks sagði hún þegar við vorum að kveðjast :

" heyrðu við sjáumst á morgun, það er þriðjudagur elskan og ekki frí fyrr en á fimmtudaginn"

 ANDSK....

þarf að fá betri kennslu á dagatal. 

usss það borgar sig ekki að hugsa of mikið

Ég er búin að vera heima veik í 2 daga, sem er í sjálfu sér ekki merkilegt.

Nema það að í dag þegar ég er loksins komin með smá rænu og gat farið að hugsa smá, þá fékk ég þessa líka snilldarhugmynd.

Þetta segir mér að ég er ekki mikill hugsuður, úr því að ég gat ekki fundið mér neitt betra að gera eða allavega eitthvað pínu skemmtilegra.

Þetta  datt inn í  kollinn á mér á meðan ég braut saman peysur og buxur.

Unglingarnir á heimilinu eru að fara erlendis í rúma 2 mánuði í sumar, byrja fríið sitt í Osló og fara svo þaðan í fleiri ferðalög.

Búlgaría er á listanum og eitthvað meira víst.

Eins og það verður gott að losna við þau , þá er líka best af öllu þegar þau koma heim aftur

Alla vega fyrstu 2 dagana

Ég hefði viljað hafa svona tækifæri þegar ég var krakki að geta ferðast um allan heiminn á hverju sumri eins og gormarnir mínir hafa gert síðan þau voru 4 og 5 ára.

Og þar sem að ég er frekar illa stemmd núna eftir hósta, snýt og slatta af sjálfsvorkun þá datt mér það í hug að vera ekkert að endurnýja passana þeirra sem að renna út um miðjan júní.

Þau gætu farið í sörvæfor leik, svona hver kemst af í Búlgaríu án passa eða að komast til Íslands án passa.

Þetta segir mér það að ég á ekki að hugsa mikið ef þetta er útkoman.... 

Nei nei elskurnar mínar, ég er bara að grínast 

fffffriður 

 

Mér hefur verið sagt upp sem systur!!!

Það er bara þannig andsk óhúmor í þessum bræðrum mínum.

Nú þegar forledrar mínir eru að ferðast um Kína, þá fæ ég reglulega sms frá þeim og auðvitað svara ég.

En þar sem að foreldrar mínir eru af þeirri kynslóð að gsm símar og tækni er ekki alveg eftst á færnis-listanum hjá þeim , þarf oft að fá þýðingu á smáskilaboðunum sem þau senda og svo eru þau yfirleitt eins og símskeytin í gamla daga.

Eitt sms var sent frá Kína í dag og það hljóðaði svo :

Erum í Shanghai ( stopp )hrædileg fatækt ( stopp ) sendu brædrum þínum ?? ( stopp)

Þar sem að ég skildi ekki síðasta orðið í skeytinu þá fyllti ég í eyðuna.

það sem helst kom til greina var að:

Þau vilja að ég sendi fátæka fólkinu í Kína bræðurna, og er það auðsótt mál af minni hendi.

Mig hefur alltaf langað til að vera einkabarn, en bræðurnir voru ekki sammála mér og eru þeir nú saman í gargandi fýlu út í systur sína.

En ég var nú bara að grínast sagði ég þeim en þeir segja að ég sé vond kona.

En ég er náttúrlega bara dásamleg.

 

Fiður og friður

ps: öllu gríni fylgir einhver alvara

Ég skal segja ykkur það

Þetta er alls ekkert grín.

A+B-manneskja eins og ég vaknaði kl 07.30 í morgun.

Já ég er bæði A og B manneskja mér finnst gott að fara snemma að sofa ( A ) og mér finnst ennþá betra að sofa lengi frameftir (B) 

Þetta hefur ekki gerst um helgar áður svo mig minni, jú kannski haustið 1987 en mig rekur ekki minni til að þetta hafi gerst síðan.

Uppfull af hálsbólgu og hósta skrönglaðist ég á fætur, hálfdrap manninn minn honum brá svo að sjá mig á fótum á mjög svo ókristilegum tíma ( held samt það hafi verið útlitið á mér ) en hann myndi nú ekki segja mér það þessi elska.

Ég er vond kona þegar morgunsvefninn er tekin af mér er mér sagt t.d er lítið hægt að tala við mig fyrsta klukkutímann því að  " það tekur tíma fyrir allann líkamann að vakna" !

Síðasta skynfærið sem vaknar í þessu ferli eru eyrun, svo það er eðlilegt að ég tali ekki mikið þegar þessi vakningarprósess er í gangi " ég heyri ekki þar sem að eyrun eru enn sofandi"

 

Fríður friður fylgi yður......

Ætli unglingurinn verði kolvitlaus??

þegar hann sér að ég er búin að setja inn myndir af honum hér inn

Það er nefninlega ekkert grín að vera lasinn í unglingnum .

 

Litla systir hans lá einu sinni upp í sófa, með hönd á enni og ægilega slöpp , ég spurði hana hvort hún væri að verða lasin ...... já mamma ég er sko með rosalega unglingaveiki

 Friður en ekki fiður

 

MY NAME IS BILL

Ég get ekki annað en fyllst auðmýkt , eftir að hafa horft á téða mynd.

Bill og Bob gerðu það að verkum að milljónir manna um allan heim hafa bjargast frá alkahólisma.

Þeir fundu upp kerfi sem að hægt er að fara eftir, svo að fólk sem þjáist af ólæknanlegum sjúkdómi geti lifað eðlilegu lífi.

Ég hef notið góðs af þvi að þessir menn fundu lausnina og það er satt sem að þeir segja

ÞAÐ ER TIL LAUSN.

Og ég væri ekki sú sem að ég er í dag ef ekki hefði verið fyrir þessa menn.

Takk fyrir mig þið sem hafið sagt frá lausninni og deilt með mér reynslu ykkar, án ykkar væri ég ekki neitt.

Friður hér og allstaðar

ps: er í vakningu eftir að hafa horft á þessa mynd

þreyttur unglingur

 

Það getur verið erfitt að vera unglingur skilst mér.... eða allavega segir unglingurinn minn mér það reglulega.

Sérstaklega á hann það til að ræða unglingamál þegar hann hefur komið of seint heim ( aldrei nema 10-15 mín of seinn)

"Æjjj kommmon mamma, það mega allir vera úti til klukkan guðmávitahvað!!!!"

" Strákarnir þurfa ekki að mæta í kvöldmat heima hjá sér"

" En ef að ég er ekki svangur , má ég þá sleppa við að mæta í kvöldmat "

Alltaf fær þessi elska sömu svörin ....

Þú kemur heim kl ( á löglegum útivistartíma)

Þú kemur heim og borðar kvöldmat með fjölskyldunni þinni..

Þú er alltaf svangur þannig að þessi spurning er ekki að virka...

En ég heyrði eitt sem að sannar það að þetta eru reglur sem að unglingar vilja, þó þeir myndu ekki viðurkenna það, þó það bjargaði  lífi þeirra.

Einn vinur unglingsins sagði við hann svo að ég heyrði ( átti ekki að heyra það samt )                    " Ég vildi að ég þyrfti alltaf að koma heim í mat "

Ég er hamingjusöm móðir í dag, og ætla ekki að hafa áhyggjur af því sem að morgundagurinn ber í skauti sér, enda er það dagurinn í dag sem að skiptir máli með þeim sem að maður elskar.

væmið ég veit , en ég er á svona væmnistímabili í lífinu núna

 

Friður hér og þar

Hef sjaldan beitt hugarorkunni svona mikið.....

Ég er að reyna að sannfæra veðurguðina að það sé komið sumar.. allavega vor....

Ég bið ekki um mikið, einungis nokkrar gráður upp á helv.. mælinum , það er sama hvað ég geri hann haggast ekki , svo ég þarf að bíða aðeins áfram en mér sýnist nú stefna í ágætis hjóladag í dag

Ég ætla rétt að vona að þetta sé ekki gluggaveður

 

Friður á jörðu sem og öðrum hnöttum

Þakklæti var mér ekki efst í huga í morgun ...

Það var nú ekki spennandi að vakna í morgun eftir nokkura tíma svefn, úrill og með koddaför í andlitinu skundaði ég af stað í vinnu, nú nokkrum  tímum seinna er ég enn með smá koddafar á enninu og niður á kinn býst fastlega við því að þetta eigi eftir að endast fram eftir degi

Semsagt bara almenn leiðindi og sjálfsvorkun í gangi......

En ég get ekki kvartað

Ég á falleg heilbrigð börn

Ég á yndislegann maka  ( hann á sín móment samt sem áður þessi elska)

Ég á fallegt heimili

Ég er í góðri vinnu

Ég á gott líf

Ég elska og er elskuð

Get ég beðið um eitthvað meira ??

Friður sé með yður  

ps... ég bíð eftir að vængirnir bresti fram 

 

 

Happy peisks..................

Ég fann páskaeggið mitt á undraverðum hraða í morgun enda hafði ég hönd í bagga í gærkvöldi hvar eggin í ár yrðu falin, sumir segja að þetta sé svindl en ég segi að þetta séu forréttindi tapsárra foreldra, ég þoli nefninlega ekki að tapa t.d vinn ég nánast aldrei þegar tekið er í spil á heimilinu sex ára dóttir okkar hefur ekki tapað í veiðimann undanfarin 2 ár og ég verð nú að viðurkenna að ég fæ pínu pirring þegar hún snarar út úr sér " á einhver DROLLU" með pókersvip sem að myndi blöffa íbúa Las Vegas á nó tæm ,og hún vinnur undantekningarlaust krakkinn.

Unglingarnir okkar koma heim á morgun úr sumarbústaðnum, en þar eru unglingarnir búnir að vera síðan að páskaleyfi hófst í góðu yfirlæti ömmu og afa.

Guð blessi ömmur og afa þau bjarga lífum oft á tíðum (rímar )

eníhú er að fara að undirbúa matarboð, allar tegundir af ættingjum væntanlegir í kvöld  

happý peisk ( gleðilega páska)