Ég frussaði af hneykslan

 

Ég kom heim í gær eftir ágætis hjólatúr, og það fyrsta sem ég gerði þegar ég kom inn var að heilsa fólkinu mínu.

Frumburðurinn var hvergi sjáanlegur, svo að ég fór inn í herbergið hans til að heilsa honum.

Ég andaðist pínu þegar ég lauk upp hurðinni, LITLI drengurinn var í faðmlögum og kisseríi með kærustunni sinni.

Það eina sem að ég gat sagt þegar ég var búin að ná andanum var :

" þú gætir nú sett sængurver utan um sængina þína drengur"  eins og það komi málinu eitthvað við

Svo lokaði ég hurðinni með 2 pör af augum horfandi á mig eins og ég væri E.T endurborin

það þarf ekki að taka það fram að tilvonandi tengdadóttir okkar heldur að ég sé meira en lítið biluð.

 

Ég á greinilega pínu erfitt með að trúa því að hann er 15 ára gamall, fyrir mér er hann ennþá litli ljóshærði strákurinn minn.

 

Ég vældi um þetta í smástund við betri helminginn, " ég er orðin svo gömul og bla bla bla"

Svarið var " já elskan, þú ferð örugglega að verða amma "

u u u u  nei

Athugasemdir

[Svanhildur Karlsdóttir, 8.5.2008 kl. 15:42]

Hehehe æijá það er ótrúlegt þegar börnin eru allt í einu orðin stór

[Helga Magnúsdóttir, 8.5.2008 kl. 16:48]

Bráðum lærist þér að kíkja í forstofuna þegar þú ferð á fætur. Ef þar eru háhælaðir skór í minna númeri en sonurinn notar verðurðu að klæða þig, ef ekki er þér óhætt að lufsast um á náttfötunum fram eftir degi.

[Gríman, 9.5.2008 kl. 08:04]

 takk Helga mín , ég fer að æfa mig í þessu